Mamburao, Occidental Mindoro —Ipinakita ng bayan ng Mamburao ang kanyang presensya sa Agri-Tourism Trade Fair, November 14, sa pamamagitan ng pag-uwi ng limang Pinaka Awards: pinakamahabang sitaw, pinakamabigat na kalabasa, pinakamabigat na alimango, pinakamabigat na cassava, at pinakamabigat na watermelon.

Bukod sa mga natamong gantimpala, tampok ang booth ng Mamburao na may temang “May Bulao,” na nagmula sa lumang salitang tumutukoy sa “ginto.” Nasa ikalawang palapag ang replika ng isang Galleon bilang pag-alala sa panahon ng mga sinaunang mangangalakal na dumayo sa bayan dahil sa balitang may “bulao” o ginto sa lugar. Dinisenyo ito ni Butch Lambit, nagtulong-tulong naman ang Municipal Tourism Office, Municipal Agriculture Office, at PESO sa pagpapakita ng mga produktong lokal—handicrafts, food items, at sari-saring prutas at gulay mula sa mga negosyante at magsasaka.

Kasama ni Mayor Atty. E-K Almero sa pagbubukas ng booth at pagtanggap ng mga parangal si Vice Mayor Raul Masangkay kasama sina Kon. Atty. Yanna Abeleda, Kon. Brian Bautista, Kon. Doc Wyn Esperanza, Kon. Oliver Mataro, at Kon Ricky Pantoja.

Sa nasabing programa ay pinagtibay ni Mayor Almero ang kumpiyansa sa kayang ibigay na kontribusyon ng agri-turismo sa bayan at lalawigan. “𝘈𝘵 𝘬𝘢𝘵𝘶𝘭𝘢𝘥 𝘱𝘰 𝘯𝘨 𝘢𝘵𝘪𝘯𝘨 𝘗𝘳𝘰𝘷𝘪𝘯𝘤𝘪𝘢𝘭 𝘎𝘰𝘷𝘦𝘳𝘯𝘮𝘦𝘯𝘵 𝘢𝘥𝘮𝘪𝘯𝘪𝘴𝘵𝘳𝘢𝘵𝘪𝘰𝘯 𝘢𝘺 𝘱𝘪𝘷𝘰𝘵𝘪𝘯𝘨 𝘯𝘢 𝘳𝘪𝘯 𝘱𝘰 𝘬𝘢𝘮𝘪 𝘴𝘢 𝘔𝘢𝘮𝘣𝘶𝘳𝘢𝘰 𝘴𝘢 𝘱𝘢𝘨-𝘱𝘳𝘰𝘮𝘰𝘵𝘦 𝘯𝘨 𝘢𝘨𝘳𝘪-𝘵𝘰𝘶𝘳𝘪𝘴𝘮. 𝘕𝘢𝘯𝘪𝘯𝘪𝘸𝘢𝘭𝘢 𝘱𝘰 𝘵𝘢𝘺𝘰 𝘯𝘢 𝘪𝘵𝘰 𝘢𝘯𝘨 𝘪𝘴𝘢 𝘴𝘢 𝘮𝘢𝘨𝘣𝘪𝘣𝘪𝘨𝘢𝘺 𝘴𝘢 𝘢𝘵𝘪𝘯 𝘯𝘨 𝘱𝘢𝘨-𝘶𝘯𝘭𝘢𝘥,” aniya, sabay pasasalamat sa mga dumating na bumibisita sa bayan ng Mamburao.

Pinangunahan ni Governor Ed Gadiano ang pormal na pagbubukas ng trade fair at kabilang sa dumalo sina DTI Provincial Director Noel Flores, DA–High Value Crops Development Program (DA-HVCDP) Director Joseph Manicad, NFA Occidental Mindoro Branch Manager Harold Cuartero, Sangguniang Panlalawigan Committee on Agriculture Chairman Peter Alfaro, Cong. Odie Tarriela, kasama rin si Provincial Administrator Muriel Reguinding at iba pang opisyal.

#GalleonBooth#PinakaAwards#AgriTourismTradeFair#MamburaoNaman#BayangMaipagmamalaki