“𝘛𝘢𝘮𝘢𝘯𝘨 𝘱𝘰𝘴𝘪𝘴𝘺𝘰𝘯 𝘱𝘢𝘳𝘢 𝘴𝘢 𝘵𝘢𝘮𝘢𝘯𝘨 𝘵𝘢𝘰.”

Ito ang binigyang-diin ni 𝑴𝒂𝒚𝒐𝒓 𝑨𝒕𝒕𝒚. 𝑮𝒍𝒊𝒄𝒆𝒓𝒊𝒐 “𝑬-𝑲” 𝑨𝒍𝒎𝒆𝒓𝒐 𝑰𝑰𝑰 sa isinagawang orientation seminar ng Pamahalaang Bayan ng Mamburao kaugnay sa organizational structure at staffing pattern, September 10. Ginanap ang seminar sa Sangguniang Bayan Session Hall sa temang “𝘌𝘴𝘵𝘢𝘣𝘭𝘪𝘴𝘩𝘮𝘦𝘯𝘵 𝘰𝘧 𝘖𝘳𝘨𝘢𝘯𝘪𝘻𝘢𝘵𝘪𝘰𝘯𝘢𝘭 𝘚𝘵𝘳𝘶𝘤𝘵𝘶𝘳𝘦 𝘢𝘯𝘥 𝘚𝘵𝘢𝘧𝘧𝘪𝘯𝘨 𝘗𝘢𝘵𝘵𝘦𝘳𝘯𝘴 (𝘖𝘚𝘚𝘗𝘴) 𝘢𝘯𝘥 𝘙𝘦-𝘦𝘯𝘨𝘪𝘯𝘦𝘦𝘳𝘪𝘯𝘨 𝘰𝘧 𝘚𝘺𝘴𝘵𝘦𝘮𝘴 𝘢𝘯𝘥 𝘗𝘳𝘰𝘤𝘦𝘥𝘶𝘳𝘦𝘴 𝘪𝘯 𝘓𝘎𝘜𝘴.”

Pangunahing partisipante ang mga hepe ng opisina ng LGU at mga miyembro ng Sangguniang Bayan. Layunin ng aktibidad na pag-aralan ang tamang paglalagay ng mga posisyon, ayusin ang organizational structure, at palakasin ang sistema ng bawat opisina upang mapabuti ang serbisyo sa publiko.

Ayon kay Mayor Almero, isa sa mga hamon ay ang kawalan ng intermediate positions sa ilang opisina, kung saan mula sa hepe ay agad sumusunod ang mga mabababang Salary Grade (SG) tulad ng SG-6 o SG-8. “𝘎𝘶𝘴𝘵𝘰 𝘯𝘢𝘵𝘪𝘯𝘨 𝘮𝘢𝘬𝘪𝘵𝘢 𝘯𝘨 𝘦𝘮𝘱𝘭𝘦𝘺𝘢𝘥𝘰 𝘯𝘢 𝘮𝘢𝘺 𝘱𝘰𝘴𝘪𝘣𝘪𝘭𝘪𝘥𝘢𝘥 𝘴𝘪𝘭𝘢𝘯𝘨 𝘶𝘮𝘢𝘬𝘺𝘢𝘵—𝘮𝘶𝘭𝘢 𝘚𝘎-6, 𝘚𝘎-8, 𝘚𝘎-12, 𝘚𝘎-14, 𝘩𝘢𝘯𝘨𝘨𝘢𝘯𝘨 𝘚𝘎-22 𝘰 𝘚𝘎-24,” aniya. Dagdag pa niya, kapag wala ang hepe ng opisina, madalas ay tumitigil ang transaksyon dahil walang naka-assign na mid-level technical positions.

Pinangunahan ang presentasyon ni Director II Atty. Angelina V. Faral ng Civil Service Commission Field Office–Occidental Mindoro kasama si Senior Human Resources Specialist John Homer M. Alim.

Binigyang-diin naman ni 𝑽𝒊𝒄𝒆 𝑴𝒂𝒚𝒐𝒓 𝑹𝒂𝒖𝒍 𝑴𝒂𝒔𝒂𝒏𝒈𝒌𝒂𝒚 na napapanahon ang seminar upang maging mas episyente at epektibo ang pamahalaang bayan. Aniya, ito ay hakbang tungo sa mas maayos na human resource structure na maaaring ipamana sa susunod na administrasyon. Nagbigay rin ng pambungad na mensahe si Acting Municipal Administrator Boy Maneja, na umaasang magiging daan ang seminar sa mas sistematikong pamamahala ng LGU.

Kabilang din sa mga dumalo ang mga Konsehal ng Sangguniang Bayan na sina Mel Ramirez, Oliver Mataro, Eboy Villaflores, Ricky Pantoja, at IPMR Renato Aloy. Ang aktibidad ay isinagawa sa kahilingan ni Mayor Almero sa Civil Service Commission at pinangasiwaan ng Human Resources Management Office (HRMO).

#TamangTrabaho#TamangTao#CivilServiceCommission#PCSA2025#MamburaoNaman#BayangMaipagmamalaki