Mamburao, Occidental Mindoro — Upang mas mapalawak ang kaalaman ng publiko tungkol sa mga benepisyo at programang pangkalusugan ng pamahalaan, nagsagawa ang PhilHealth Occidental Mindoro Local Health Insurance Office (LHIO) ng isang Information Forum, December 11. Dinaluhan ito ng mga kinatawan mula sa media, information officers, social workers, at iba pang community partners na katuwang sa pagpapalaganap ng impormasyon sa lalawigan.

Pinangunahan ni Chief Social Insurance Officer Concepcion N. Mulingbayan-Arteza ang aktibidad, kung saan binigyang-diin niya ang kahalagahan ng tamang impormasyon sa pagpapatibay ng tiwala ng publiko sa PhilHealth. Ayon sa kanya, mahalaga ang papel ng media at iba’t ibang sektor upang masigurong naipararating sa bawat mamamayan ang mga serbisyong pangkalusugan na kanilang maaaring gamitin.

YAKAP Program: Pinalawak na Serbisyong Pangkalusugan

Isa sa pangunahing tinalakay sa forum ang PhilHealth Yamang Kalusugan para sa Pamilya (YAKAP) Program, ang mas pinahusay na bersyon ng Konsulta Program. Layunin nitong bigyan ang bawat Pilipino ng mas madaling access sa primary care services upang maiwasan ang malalang karamdaman.

Sa ilalim ng YAKAP, ang mga accredited clinics ay magbibigay ng:

• Libreng konsultasyon

• Laboratory tests at cancer screening

• Diagnostic procedures

• Access sa 75 PhilHealth Guaranteed Accessible Medications, kabilang ang 21 basic medications at 54 karagdagang gamot sa ilalim ng GAMOT Program

Binigyang-diin sa forum na lahat ng PhilHealth members at dependents — mula sanggol hanggang senior citizen — ay maaaring maging bahagi ng YAKAP Program.

Sino ang Saklaw ng YAKAP?

Maaaring mag-enroll ang mga sumusunod:

• Government at private employees

• Kasambahay

• Indigents

• Persons with Disability

• Self-earning individuals at professionals

• Lifetime members

• 4Ps beneficiaries

• Infants

• OFWs

• Solo parents

• Senior citizens

• Mga batang wala pang 21 taong gulang

Mas Malawak na Access sa Libreng Gamot Simula 2026

Inanunsyo rin ng PhilHealth na anim na accredited pharmacies sa lalawigan ang magiging katuwang sa pamamahagi ng libreng gamot simula Enero 2026. Kabilang dito ang:

• Jomel’s Pharmacy (Mamburao)

• Red Drug Store (Abra de Ilog)

• MOPMGMC Pharmacy

• MedCare Medical Supplies and Pharmacy

• Savers Pharmacy

• Angelokovi Pharmacy (San Jose)

Sa Occidental Mindoro, mayroon nang 20 accredited YAKAP clinics, kabilang ang 7 ospital, 3 pribadong pasilidad, at 11 rural health units.

Iba Pang Benepisyong Tinalakay

Bukod sa YAKAP, ipinaliwanag din ng PhilHealth ang iba pang benepisyo tulad ng:

• Outpatient Emergency Care Benefits

• Outpatient at Inpatient Benefits para sa konsultasyon, laboratoryo, professional fees, at hospitalization

• Z Benefits para sa high-cost conditions gaya ng cancer at kidney transplant

• Mga programang nakatuon sa preventive health at early detection

Tiniyak ng PhilHealth na patuloy nitong palalawakin ang pakikipag-ugnayan sa media at iba pang sektor upang mas mapalakas ang health advocacy sa mga komunidad ng Occidental Mindoro.

Paano Mag Register sa PhilHealth YAKAP Program

1. Siguraduhing Aktibo ang Membership

Kailangan ay may PhilHealth Identification Number (PIN). Kung wala pa, maaaring mag-apply sa:

• PhilHealth Member Portal

• eGovPH App

• Anumang PhilHealth LHIO

2. Pumili ng YAKAP Clinic

Makikita ang listahan sa PhilHealth website o sa inyong lokal na health center.

3. Magpa-Enroll

Dalhin ang:

• PhilHealth ID Number

• Valid ID

• Personal information

Maaaring mag-enroll sa:

• YAKAP Clinic

• PhilHealth Member Portal

• eGovPH App

• Anumang PhilHealth Office

4. Hintayin ang Kumpirmasyon

Maaaring matanggap sa pamamagitan ng text, email, o verbal confirmation.

5. Gamitin ang YAKAP Benefits

Kasama ang:

• Konsultasyon

• Laboratory tests

• Diagnostic procedures

• Libreng gamot

Libre ang enrollment at bukas sa lahat ng PhilHealth members at dependents.

Dumalo rin sa forum ang mga kinatawan mula sa 76th Infantry “Victrix” Battalion at 68th Infantry “Kaagapay” Battalion, bilang bahagi ng mas pinalawak na pakikipag-ugnayan ng PhilHealth sa iba’t ibang sektor upang palakasin ang health advocacy sa lalawigan.

Para sa iba pang impormasyon, maaring bisitahin ang PhilHealth website: https://www.philhealth.gov.ph/yakap/

#PhilHealthYakap #MamburaoNaman #BayangMaipagmamalaki