Noong November 13 ay pinasinayaan ang Pasalubong Center sa bayan ng Mamburao na matatagpuan sa Brgy. Tayamaan, malapit sa Occidental Mindoro State College (OMSC), kung saan dumalo si Mayor Att. E-K Almero.

Pinangunahan ito nina Gov. Ed Gadiano, Vice Gov. Diana Tayag, Provincial Administrator Muriel Reguinding, at iba pang mga personalidad mula sa iba’t ibang sangay ng national at provincial government.

Ang Pasalubong Center ay magiging pangunahing bintana ng lalawigan ng Occidental Mindoro, tampok ang iba’t ibang produkto mula sa bawat bayan. Dito matatagpuan ang sari-saring processed foods, souvenir items, at mga natatanging handicrafts na likha ng mga lokal na komunidad at negosyante. Bukod pa rito, nakapaloob sa plano ang paglalagay ng komprehensibong Tourism Information at Tour Packages na magsisilbing gabay para sa mga turista sa pagtuklas ng mga destinasyong ipinagmamalaki ng bawat bayan.

Ayon kay Mayor Almero, malaking tulong ang Pasalubong Center dahil mayroon nang katuwang ang pamahalaang bayan upang higit pang maipakilala ang bayan ng Mamburao.

Ang inagurasyon ng Pasalubong Center ay bahagi pa rin ng selebrasyon ng Occidental Mindoro 75th Founding Anniversary – Arawatan Festival 2025.

#TurismoNaman#PasalubongCenter#MamburaoNaman#BayangMaipagmamalaki

Related posts:

  1. PAGPAPATIGIL NG OPERASYON NG P.E.R.R.C. CONSTRUCTION AND DEVELOPMENT
  2. CENTENARIAN FINANCIAL BENEFITS
  3. BHW Incentives: Php 3,000 para sa 1st Quarter
  4. DUMATING NA ANG PINAPANGARAP NA FIRETRUCK NG MAMBURAO!
  5. PAYOUT NG SOCIAL PENSION PARA SA MGA SENIOR CITIZENS SA LAHAT NG BARANGAY IPINAGPAPATULOY
  6. Binhi Mula sa Department of Agriculture para sa mga Benipisaryong Magsasaka, Ipinamahagi sa Lahat ng Barangay
  7. DSWD MIMAROPA, NAG-KORTESIYA KAY MAYOR ALMERO
  8. Mayor Almero, Hiling ang Pang-unawa sa Hamon ng Transisyon sa LGU
  9. “Programang Benteng Bigas Meron Na”, Inilunsad Sa Mamburao
  10. MAYOR ALMERO, NAGLABAS NG 5 EXECUTIVE ORDERS PARA SA TRANSPARENCY AT ACCOUNTABILITY

Powered by YARPP.