Ipinagkaloob na ng Mamburao LGU ang ‘centenarian incentive’ kina Lola Leona at Lola Corazon bilang pagkilala at suporta sa kanila.

Si Lola Leona Malabay ng Purok Bansutan, Brgy. Payompon ay nakatanggap ng halagang P15,000.00 dahil narating na niya ang edad 95. Halagang P10,000.00 naman ang tinanggap ni Lola Corazon de Jesus sa edad na 90 ng Brgy. 3.

Ang pagbibigay insentibo ay isinagawa nina MSWDO Noralen Nieva, OSCA Head Vito Alvarez, kasama sina Tess Vizconde at Vicky Gacuan ng Municipal Treasurer’s Office.

Bilang Local Chief Executive ay patuloy na ipatutupad ni 𝗠𝗮𝘆𝗼𝗿 𝗔𝘁𝘁𝘆. 𝗘-𝗞 𝗔𝗹𝗺𝗲𝗿𝗼 𝗜𝗜𝗜 ang isang Municipal Ordinance na nagbibigay insentibo sa senior citizens kung saan tatanggap ng Php10,000.00 ang makarating ng edad na 90, Php15,000.00 sa edad na 95, at P25,000.00 sa edad na 100, o kabuuang Php50,000.00. Ito ang nagsisilbing ‘local counterpart’ ng Mamburao LGU sa 𝗖𝗲𝗻𝘁𝗲𝗻𝗮𝗿𝗶𝗮𝗻 𝗔𝗰𝘁 𝗼𝗳 2016 na nagbibigay ng Php100,000.00 cash incentive sa makakarating ng edad 100.

#SeniorCitizenNaman#MamburaoNaman#BayangMaipagmamalaki