MAMBURAO, Occidental Mindoro — Sa unang regular session ng Sangguniang Bayan ngayong taon, inaprubahan ang katitikan bilang 24 ng huling session noong nakaraang taon at tinalakay ang iba’t ibang committee reports at komunikasyon, January 5.

Kabilang dito ang pagbibigay ng incentives sa mga mag-aaral na magdadala ng karangalan sa bayan, pagpasok sa mga memorandum of understanding at agreement, at ang hiling na pagpapailaw sa Sitio Tayumtayuman at iba pa.

Ang mga ito ay kaugnay ng mga tinalakay sa huling regular session noong Disyembre 15, 2025, kung saan inaprubahan ang mahahalagang resolusyon at ordinansa na may direktang epekto sa operasyon ng pamahalaang bayan at sa iba’t ibang sektor ng komunidad. Sa naturang sesyon, naaprubahan sa 3rd at final reading ang 2026 Annual Budget at ang bagong Municipal Tax Code, gayundin ang 50% discount sa maagang pagpaparehistro ng mga 3-tonner na bangka.

Ayon kay Vice Mayor Raul “Boy” Masangkay , nakapagpasa ang Sangguniang Bayan ng 170 resolusyon at 10 ordinansa sa loob ng limang buwan ng kanilang panunungkulan. “𝘈𝘯𝘨 𝘮𝘨𝘢 𝘳𝘦𝘴𝘰𝘭𝘶𝘵𝘪𝘰𝘯 𝘯𝘢 𝘪𝘵𝘰 𝘢𝘺 𝘵𝘢𝘭𝘢𝘨𝘢𝘯𝘨 𝘥𝘪𝘴𝘵𝘳𝘪𝘣𝘶𝘵𝘦𝘥 𝘴𝘢 𝘭𝘢𝘩𝘢𝘵 𝘯𝘨 𝘴𝘦𝘬𝘵𝘰𝘳,” aniya.

Binigyang-diin din niya ang mahigpit na pagpapatupad ng Internal Rules and Regulations at ang pagsunod sa Parliamentary Rules and Procedures. Ipinaliwanag niyang dumaraan sa tamang proseso ang bawat resolusyon at ordinansa, kabilang ang committee at public hearing, bago tuluyang aprubahan ng konseho.

Isa sa mga proyekto ni Masangkay ay ang 𝘌𝘴𝘵𝘢𝘣𝘭𝘪𝘴𝘩𝘮𝘦𝘯𝘵 𝘰𝘧 𝘓𝘦𝘨𝘪𝘴𝘭𝘢𝘵𝘪𝘷𝘦 𝘋𝘢𝘵𝘢 𝘉𝘢𝘴𝘦 na layong magtayo ng Legislative Website kung saan makikita ang mga naipasa at kasalukuyang resolusyon at ordinansa. Nasa digitalization process pa ito at target na mailunsad ngayong taon upang mas mapabilis at maging organisado ang pag-access ng publiko sa mga dokumento ng Sangguniang Bayan.

Nagpasalamat din siya sa patuloy na kooperasyon ng mga konsehal at binanggit ang malaking tagumpay — ang pag-amyenda sa tax ordinance na 24 taon nang hindi nababago.

Samantala, muling iginiit ni Masangkay ang buong suporta niya at ng Sangguniang Bayan kay Mayor Atty. E-K Almero sa pagpapatupad ng mga programa at proyekto para sa pag-unlad ng Mamburao.

“𝘒𝘢𝘪𝘴𝘢 𝘬𝘢𝘮𝘪 𝘯𝘨 𝘔𝘢𝘺𝘰𝘳 𝘴𝘢 𝘱𝘢𝘨-𝘶𝘯𝘭𝘢𝘥 𝘯𝘨 𝘣𝘢𝘺𝘢𝘯,” pahayag niya. “𝘕𝘢𝘬𝘪𝘬𝘪𝘵𝘢 𝘯𝘪𝘯𝘺𝘰𝘯𝘨 𝘨𝘢𝘯𝘪𝘵𝘰 𝘬𝘢𝘮𝘪 𝘮𝘢𝘨𝘵𝘳𝘢𝘣𝘢𝘩𝘰 𝘥𝘢𝘩𝘪𝘭 𝘴𝘢 𝘱𝘢𝘮𝘶𝘮𝘶𝘯𝘰 𝘯𝘪 𝘔𝘢𝘺𝘰𝘳 𝘈𝘭𝘮𝘦𝘳𝘰 𝘯𝘢 𝘯𝘢𝘬𝘢𝘵𝘶𝘰𝘯 𝘴𝘢 𝘱𝘢𝘵𝘶𝘭𝘰𝘺 𝘯𝘢 𝘱𝘢𝘨-𝘶𝘯𝘭𝘢𝘥 𝘯𝘨 𝘢𝘵𝘪𝘯𝘨 𝘣𝘢𝘺𝘢𝘯. 𝘛𝘢𝘭𝘢𝘨𝘢𝘯𝘨 𝘮𝘢𝘪𝘱𝘢𝘱𝘢𝘬𝘪𝘵𝘢 𝘯𝘢 𝘯𝘢𝘵𝘪𝘯 𝘯𝘢 𝘪𝘣𝘢 𝘯𝘢 𝘵𝘢𝘭𝘢𝘨𝘢 𝘢𝘯𝘨 𝘔𝘢𝘮𝘣𝘶𝘳𝘢𝘰 𝘥𝘢𝘩𝘪𝘭 𝘪𝘪𝘴𝘢 𝘭𝘢𝘯𝘨 𝘢𝘯𝘨 𝘩𝘢𝘯𝘨𝘢𝘳𝘪𝘯 𝘯𝘢𝘮𝘪𝘯 — 𝘢𝘯𝘨 𝘮𝘢𝘪𝘢𝘯𝘨𝘢𝘵 𝘢𝘯𝘨 𝘔𝘢𝘮𝘣𝘶𝘳𝘢𝘰.”

Ibinahagi rin niya na isa sa kanilang unang kasunduan mula nang maupo sa tungkulin ay ang pag-aayos ng Municipal Building bilang simbolo ng maayos na pamamahala.

#MamburaoNaman #BayangMaipagmamalaki